STAUNIN STANES

Thir are those
Wha seek meanin
In the alignment 
O staunin stanes.

Wha line up
The stars an mune
An track the shaddies
Imprintit by the sun.

Thir are ithers
Wha accept a mystery
Fir whit it is,
Beyon an answer,

Perhaps it is eneuch
To staun an look
Within these places.
The stanes become

Question merks
Embedded in
The deep pages 
O the lanscape.

Sumtimes, wi can
Dig too deep,
An tapple too
Mony unknowns.

This is space eneuch
Tae leave alane,
Tae wunner an dream,
As wi search

Fir yon lane stane
We ken is oot there,
But is alwise
Jist oot o reach.
                                                                  Derek Ross